CI LE PHING LYRICS

1. Ma raang ci le phing he cawngtei hra hmai pa sa la,
Khazing pawtah ma pa daw ka;
Kaa maraang ci pangaw hrawng letah hei,
Vawngtu, zyphe phing khe kaa cang pe.

[CHORUS]
Zyphe mehnung thawngki hlui,
Ci le phing a bing na pawtah;
Literature a hrawng hrui cy pawtah,
Cung khazing tah hme ma chui cy ky seh.

2. Ci le phing kaa cangnah a lang pa se na paw caw,
Buipaw tah rei a ma pe paw;
Kaa hlawbia a hringchung kaa ci a hring,
Hlaw le bia ci phing dangnah a cang.

[CHORUS]

3. Ahomaw a ching wychiff Bible society he,
Ca le Bible a tua paw he;
Ma tlua tei khazing donah sung paw he,
Chai letah zamawng hly khy bei pe.

[CHORUS]

4. Zyphe mingphing vytei tah za rawh cy tua he pe,
Kaa hlaw le kaa bia cung le hei;
Buihupaw bangthaw patlung cy he pe,
Buipaw thlachuah kaa hmu na pawtah.

[CHORUS]

A Phiatu : T. Vetung
Siata
26th March, 2003.