A SAH CAI THLANG CHOLUI CUNG LE HEI LYRICS

1. Ze zawng khua ka zarawh sialia cangtah,
Lunghring zahnui khy tei beine;
Lungdu tawnglypaw lung reithuinah he,
A sah cai thlang cholui cung le hei.

[CHORUS]
Vy, kavang ngetei hninglang daiti zawng khe,
Ngenah zachang thai sialia maw;
Lung bia vytei ka reinah tlang le vaw khe,
Chai ning ly hlai zatlui thai kha rua be.

2. Vy ngenah asaw dang atozai caw,
Lungdu khatia lang maw na ung tha hui ?
A cangeh lai tei ne ka cungsing tah;
Lungdu khatia lang maw na ung tha hui ?

[CHORUS]

3. A cangeh lai teine ka cungsing tah,
Cuily pa kalo khyly no;
Vevi satle vaisang cawnah ruatah maw,
Na zapi cholui cung le hei.

[CHORUS]

4. Dawngcang khingphe pake sai hra hmaila,
Cyly za camawng khy beine;
Bangzy tlang khung peraang taitah hmaitah,
Lungdu za ca mawnghly khy beine.

[CHORUS]

A Phiatu : M.H. Thamang (L)
Siata.